لو سمحت
لو سمحت
المحتويات
الطبق علي الطبليه وبتقعد قدامنا
يلا اتفضلوا بالهنا
بدأنا ناكل وفي الحقيقه كان طعمه مش احسن حاجه بس كنا مضطرين !
ألا قولولي انتوا من هنا ولا جايين تزوروا حد اصل انا اول مره اشوفكم
عمرو بتوتر
احم ا اه ا احنا احنا جايين نزور خالتي ب بس للاسف حصل معانا مشكله
مشكله ايه
ا احم كح كح كح ا اصل ا اااه اصل واحنا داخلين الحاره شنطه مراتي اتسرقت
مراتك
سماح وهي بتلوي بوقها وبتحط لقمه في بوقها
ياخويا احمد ربنا إن مش مراتك هي اللي اتسرقت
للدرجادي
اتنهدت بحزن
اه ياخويا ده احنا عايشين في حاره ما يعلم بيها إلا ربنا لولا الفقر كان الواحد خرج منها وعاش في مكان في ناس محترمه بس اللي مش معاه فلوس في الزمن ده بيتذل
بصيت لها بحزن وانا بوقف اكل وبسألها بفضول
لا عايشه مع المدعوق جوزي
ه هو انا ممكن اسالك سؤال
اتفضلي
انتي شغاله ايه
عمرو وهو بيهزني في كتفي وبيهمسلي
اسمها سماح شخلعه هتبقي شغاله ايه يعني وزيره بيئه!!
ا احم اه صحيح ايه الغباء ده
امممممم وياتري بقي متجوزين بقالكم قد ايه شكلكم عرسان جداد
بصينا انا وعمرو لبعض بتوتر وقلوبنا دقت پعنف
م متجوزين من شهر
وياتري بقي عن قصه حب ولا جواز صالونات
رديت بلهفه وتلقائيه
لا طبعا قصه حب
عوجت بوقها بسخريه
حصره عليا ولا اعرف الحب ولا جربته
ليه ياسماح انتي مش متجوزه عن حب
لا ياختي ابويا رماني لصلاح الكلب عشان شويه ملاليم
منه لله اتجوزني من هنا وشغلني رقاصه من هنا
ج جوزك اسمه صلاح
اه ياحبيبتشي ليه
و وعايش معاكي في نفس البيت
فتحت بوقها ببلاهه وسكتت لحظه وهي بتبصلي في محاوله منها لفهم صيغه السؤال اللي انا شخصيا أدركت أنه اغبي سؤال ممكن يطرحه بني آدم!
عمرو وهو بيحاول ينقذ الموقف
هي تقصد يعني هو بيجي يبات معاكي كل ليله ولا مقضيها هروب من الحكومه وكده عشان يعني لو بيجي احنا نمشي ومنسببش ليكي مشاكل
لا متخافش مش بشوفه غير كل اسبوع ولا اتنين أصله عقبال عندك شغال حرامي وبيخطف البنات اللي زي مراتك كده بس بطريقه شيك
رديت بتوتر
ا ازاي ياسماح
يلبس لبس شيك ويعمل فيها ابن ناس ويروح يقعد في أي كافيه واول ما يشوف بنت حلوه يروح يقولها انتي جميله وفيكي كل مواصفات الموديل اللي بدور عليها ويبلفها بكلمتين ويديها رقمه عشان تفكر واول ما توافق يقولها علي العنوان ولما بتيجي هنا بيحاصرها هو والمقاطيع بتوعه وياخدها يشغلها في الكباريه ڠصب عنها وان موافقتش بټموت ولا من شاف ولا من دري
تلقائيا لقيته مسك ايدي وهو بيضغط عليها وبيبصلي وكأنه بيقولي مټخافيش انا معاكي
مسكت في أيده جامد وانا بترعش ونفسي لو ياخدني يخبيني لكن للاسف مش هينفع
سماح باستغراب
مالك انتي كويسه
عمرو بتوتر ولهفه
م مفيش هي تعبانه شويه بس اصل هي حامل م معلش يا مدام سماح ممكن تجيبي كوبايه مايه عشان تاخد البرشام بتاعها
قامت بلهفه
حاضر ياخويا من عينيا
قامت تجري علي المطبخ وانا قاعده بترعش وببص قدامي بشرود
عمرو بهمس وهو بيقوم وبيشدني من ايدي
يلا
رديت پخوف
علي فين
طلع يجري وهو بيسحبني وراه
اي مكان غير هنا يلا بسرعه
يتبع
مغامره_في_حاره_شعبيه
إيمان_شلبي
البارت الثالث بقلمي إيمان شلبي
طلعنا نجري من العماره ودخلنا شارع جانبي لحسن الحظ مكانش فيه حد من العصابه
وقفت مكاني وانا بسأله پخوف
هنعمل ايه
اخد نفس عميق وهو بيسند ظهره علي الحيطه
مش عارف بس اعتقد اننا مش هنقدر نخرج من الحاره النهارده
متابعة القراءة
