مأساه حوريه 3
مأساه حوريه 3
عليكي بس مكنتيش موجودة
الغريب ان رشا مظهرش عليها اي علامات ارتباك او توتر لكن عقدت حواجبها وقالت...امتا ده
امجد...من ساعتين تقريبا
رشا... اكيد كنت تحت عند خالتي
ثواني وكملت بتفكير.... ااه او يمكن لما طلعت لمحمد اخوك ا..
قاطعها امجد علطول من غير تفكير.... طلعتيلو ليه
ردت رشا بكل بساطة وقالت... طلعتلو اكل. اصل انت متعرفش اټخانقو هو وحورية. وحورية سابت البيت
وقبل ما امجد يتكلم كملت رشا وقالت ببراءة مصتنعة... لو شايف انو مايصحش. قولي وانا مش هعملو حاجة تاني
لكن رد امجد عليها خلاها تطمن علي الاخر وهو ده اللي كان قاصده انه يحسسها انو عمره ما يشك ولا لا فقال ... انتي طول عمرك بتفهمي في الاصول يا رشا ومبتعمليش حاجة تضر سمعتك. بعدين دا اخويا وابن خالتك. ف ايه المشكلة انك تعمليلو. انتي اكيد بتعتبريه زي اخوكي
في بيت اهل حوريه وخصوصا شقة اخوها طارق
بتعملو ايه
قالها طارق لما دخل شقته وقرب علي بنته اللي مامتها بتذاكرلها
ردت البنت وقالت... بنعمل الهووم وورك يابابا.
وهي بتوريلو الكتاب وبتقول... بص انا بحل صح ازاي
باسها علي خدها وقال... شطورة ياحبيبة بابا
قال وهو بيشجعها... كل ماتبقي شطورة كده هجبلك العاب كتير اوي
كل ده ومراته مكانتش بتبصله حتي بصت لبنتها وقالت.. يلا ياحبيبتي ركزي علشان تنامي الوقت اتاخر
سيلا... حاضر
طارق... اعمليلي قهوة يا علياء
وهو بيتجه ل اوضته
حاضر
قالتها مراته وهي بتبص عليه بضيق وڠضب
وقامت تعملو
شوية ودخلت الأوضة بالقهوة وبدون ولا كلمه حطتها جمبه علي الكومود ولسه هتتحرك علشان تخرج من الاوضة لكن هو مسك ايدها وهو بيطفي السېجارة اللي كانت في ايده وقال... مالك.
اماال قالبة خلقتك ليه
قالها بضيق منها ومن برودها
بصتله پغضب وقالت.... انتو ايه اللي عملتو مع اختكو ده.. ازاي تمشوها كده.. انتو ايه معندكوش د م.. ولما بيت اهلها مش هيكون مفتوح ليها لما جوزها يزعلها. تروح فين
انتو ازاي كده. ايه الجحود ده
طارق بحدة.... وطي صوتك
طارق ببرود... البنت ملهاش غير بيت جوزها.. وبعدين هيا اللي اختارته متجيش لينا تشتكي منو بقا
علياء بحزن عليها .... حتي لو دا كان اختيارها
انتو اهلها مينفعش طول الوقت تفضلو تعاقبوها كده. وبعدين هي كانت صغيرة ولسه صغيرة. حورية مش كبيرة
طارق... والله مش هي اللي مسكت فيه وقالت مش هتجوز غيره..
نعملها ايه
علياء ... وهي عملت كده ليه مش كنتو عاوزين تجوزها واحد قد ابوها
طارق.... بقولك ايه قفلي بقا سيبك من الموضوع ده. هي هتعرف تعيش نفسها.. المهم
بصلها وهو
وخرجت من الاوضة
وهو نفخ بضيق وقال... ابو الحريم علي ابو الجواز. ايه النكد ده
وهو بياخد علبه السجاير وبيطلع البلكونة
في شقة عماد
كانت قاعدة مراته علي كرسي التسريحة وهي بتدلك ايديها بالكريم
بصت في المرايا علي عماد اللي مشغول في تليفونه وقالت.... عجبتني باللي عملتو مع اختك..
كملت بشماته وقالت.... ايوا كده. علشان تبطل تجيلكو كل شوية غضبانه. لازم تتعود وتستحمل. البنت ملهاش غير بيت جوزها
عماد وهو لسه مشغول في تليفونه.... عندك حق
نورا... وبعدين حورية دي ملزقة وهي اللي بتجيبو لنفسها بصراحة. لسانها ده اطول منها
عماد قفل التليفون وحطو جمبه وبصلها وقال... سيبك من حورية وقوليلي العيال نامو ولا لسه
ضحكت نورا وقالت بغمزة... نامو
تاني يوم
صحيت حورية اللي كانت قاعدة علي السرير بشرود لكن قطع شرودها ده لما محمد فتح عليها باب الاوضة وقال... يالا ياحورية انزلي شوفي امي وحضري معاهم الفطار
اتنهدت وقالت بهدوء..... حاضر
وهو نزل وبعدين هي قامت اخدت دش ولبست ونزلت وراه
بعد شوية
كانت حورية خلصت كل شغل البيت
وبعدين بدات في تحضير الغدا وعملت اكل كتير واصناف كتير جدا بامر من حماتها وده علشان امجد اللي كان بيقلو شهر في الغردقة بحكم شغله
وبعد وقت كانو متجمعين كلهم علي السفرة
قالت الام بفرحة لامجد... حمدالله علي السلامة ياحبيبي
امجد بهدوء.... الله يسلمك ياست الكل
بصت ل رشا وقالت... قربي يارشا الاكل لجوزك خليه يتغذي كده.. حطيلو حمام قدامو
رشا... حاضر ياخالتي
وبقت تحطلو الاكل قدامه
محمد وهو بياكل.... الشغل عامل ايه يا امجد
امجد... ماشي الحمدلله.
بصله بغموض وقال... مبتفكرش تنقل الغردقة
محمد بسرعة.... لا انا مبسوط هنا
امجد... حقك.
وكملو اكل تحت نظرات امجد الغامضة ل محمد ورشا وهو بيبص لكل واحد فيهم شوية
وحورية اللي كانت قاعدة بهدوء وهي كمان بتبص لجوزها پغضب مخفي
خلص اليوم
وفي اخر الليل خرجت حورية من شقة حماتها متجهة لشقتها ولسه بتفتح باب الشقة اتفجأت باللي قدامها
قالت بزهول.... عاصم
وهي بتبص حواليا ورجعت بصتله.... انتي ازاي جيت هنا. بتعمل ايه هنا
عاصم.... .
حورية لسه هترد سمعت صوت محمد جوزها اللي طالع علي السلم وهو بيتكلم في التليفون.
حورية بړعب وهي بتخبط علي خدها بايدها.. يالهوي محمد طالع. هيشوفك.
وهي بتقول بهمس.. يالهوي يالهوي. اعمل ايه دلوقتي
عاصم....
يتبع.....
البارت_الثالث
مأساة_حورية
بقلم_فريدة_احمد
