بناتي للكاتب محمد مالك

الله .. ناوليني برشامة من العلبة اللي جمبك دي
سلمي .. حاضر
ونذهب الي فؤاد حيث اضاء نور الاباجورة ونراه ينظر الي الدمية مبتسما وهو متعب جدا وكأنه بذل مجهود غير عادي .. يلتقط انفاسه بسرعة ثم يقوم ويرتدي ملابسة التي خلعها والقي بها علي السرير .. ويسير وهو يترنح نحو باب الغرفة قدماه لا تحملاه وكأنه اوشك ان يسقط علي الارض .. يفتح باب الغرفة متهجا الي الخارج .. ثم يلتفت الي الدمية وينظر اليها

ثم يضحك بصوت عال وبطريقة هيستيرية !! 
ونذهب الي رضوي التي ذهبت الي الطبيب لتفاجأ پصدمة كبيرة !!
وتذهب رضوي مرة اخري الي الطبيب 
الطبيب .. ازي الحال دلوقتي يا مدام رضوي 
اكيد افضل طبعا 
رضوي .. بالعكس انا حاسة ان التعب عليا زاد !!
الطبيب .. غريبة ! 
دا انا حتي مديلك علاج قوي جدا والمفروض انه يريحك !
رضوي .. هو انا فعلا ارتحت اول يومين بس بعد كده الالم رجع تاني واشد من الاول !! 
انا من امبارح منمتش من الالم اللي في بطني وعماله اخد في مسكنات ومفيش فايدة !!
الطبيب .. طب اتفضلي ع السرير افحصك 
وبعد ان يفحصها الطبيب ويقوم بعمل سونار علي البطن ..
الطبيب .. انا بصراحة مش شايف اي حاجة غريبة في بطنك !! 
الامعاء حركتها عادية جداا والكبد زي الفل والكلي شرحه !! ومفيش اي شئ يقلق تماما .. انا زي ما قلتلك يا مدام رضوي ده توتر عصبي مش اكتر هو اللي سبب الاعراض دي اللي عندك 
رضوي .. بس انا حاسة ان بطني منفوخة اوي بدرجة مش طبيعية !!
الطبيب .. عادي .. غازات 
رضوي .. غازات ايه اللي تخلي بطني بالمنظر ده ! 
ده انا ولا كأني حامل وعلي وش ولاده كمان !!
الطبيب .. والله يا مدام رضوي انا شايف ان الدنيا عندك تمام .. وبصراحة مفيش اي تفسير علمي للأعراض اللي انتي بتشكي منها دي غير انه توتر وضغط عصبي مش اكتر .. حاولي تبقي ريلاكس وخدي الامور ببساطه وانتي هتبقي احسن ان شاء الله .. ولو حسيتي انك ما زلتي تعبانه ومش قادرة تتخلصي من الاحساس ده .. ده عنوان الدكتور سعد الغرابلي استاذ الطب النفسي .. مفيش مشكلة لو تروحيله وهو هيساعدك ان شاء الله .. الف سلامة 
رضوي .. بس انا مش تعبانه نفسيا يا دكتور !
الطبيب .. بصي يا مدام رضوي في حاجة في الطب اسمها اعراض نفس جسدية دي بتبقي الام حقيقية بيحس بيها المړيض لكن بالفحص بنلاقي ان مفيش سبب عضوي للآلام دي .. وبالتالي بنرجح ان السبب هو الحالة النفسية للمريض بتبقي مش متظبطة وعشان كده بتعمل الاعراض دي اللي بيحس بيها .. انا عارف انك تعبانه فعلا وشكوتك دي حقيقية .. بس صدقيني انا مش شايف اي سبب عضوي للشكوي دي
رد فعل علي وجه رضوي .
وتعود رضوي الي المنزل وقد اشتد عليها الالم فتجد بناتها في انتظارها 
سلمي .. خير يا ماما .. الدكتور قالك ايه 
رضوي .. قالي حالة نفسية وحولني لدكتور امړاض نفسية وقالي لو مراحتش الاعراض دي ابقي روحيلة !!
سلمي .. نفسية ! طب مش جايز يكون ده فعلا سببه حالتك النفسية يا ماما 
رضوي .. والله يا سلمي انا مبقتش فاهمه حاجة خالص ! وفجأة كده اتكبيت ما اتلميت !! انا مكنتش كده ابدا !! انا عمري ما اشتكيت من حاجة خالص !!
سلمي .. ربنا يشفيكي يا ماما 
رضوي .. يااارب .. لأني بجد تعبت .. تعبت والله .. انا عايزة ادخل الحمام
سلمي .. اساعدك طيب 
رضوي .. لا .. مش محتاجة مساعدة .. انا كويسة 
رضوي تتحامل علي نفسها مع انها تتألم بشدة وبناتها يلاحظون ذلك ثم تذهب الي الحمام
انهار .. ماما تعبانه اوي يا بنات !
سلمي .. ربنا يشفيها يارب 
وبعد ان تدخل رضوي الي الحمام تعض علي كفها من شدة الالم .. ثم تلاحظ خروج ثعبان كبير مرة اخري ولكن هذه المرة مختلف تماما فله ثلاثة رؤوس وكل واحدة منهم تحمل شكل واحدة من بناتها ثم يلتف حولها ليعصر جسدها ورضوي ترتجف من الخۏف ولا تستطيع الحركة ثم بعد ذلك تكون تلك الرؤوس الثلاثة في مواجهة رضوي ويتحدثون اليها فتقول الرأس التي تحمل صورة وجه سلمي 
الرأس .. انتي مش عايزة تودينا عند عمو فؤاد ليه ! 
الرأس الاخري التي علي صورة انهار .. انطقي ! 
الراس التي علي صورة سهام .. عشان انانية وبتحبي نفسك ! سيبينا نروح 
محمد خلف صالح 
الراس التي علي صورة سلمي .. ايوه سيبينا نروح 
ثم يقولون جميعهم في صوت واحد .. سيبينا نروح .. سيبينا نروح .. سيبينا نروح 
رضوي تصرخ وتستغيث .. الحقوني .. الحقوني يا ناس 
وفجأة ينفجر الثعبان مرة اخري ليتحول الي اشلاء صغيرة .. في نفس اللحظة يدخلون بناتها الثلاث عليها الحمام وهم يقولون في صوت واحد .. مالك يا ماما !
رضوي تنظر اليهم ثم تسقط علي الارض مغشيا عليها ..
وفي اليوم التالي تذهب اليها ام نيفين لزيارتها
ام نيفين .. امك فين يا بت انتي وهي 
سلمي .. ماما نايمه في السرير تعبانه اوي يا طنط !!
ام نيفين .. انا عارفة ايه بس اللي جري لها ده ! انا داخلالها 
سلمي .. اتفضلي يا طنط
وتدخل ام نيفين الي رضوي فتجدها في حالة اعياء تام ووجها اصفر وشاحب اللون
ام نيفين .. ازيك يا رضوي مالك يا حبيبتي بس .. ايه اللي جري لك !
رضوي .. مش عارفة يا سهير .. فجأة كده اتلخبطت وبقيت زي ما انتي شايفة !!
ام نيفين .. ده عين وصابتك يا رضوي ولا يكنش يا بت معمولك عمل !
رضوي .. مين بس اللي هيعملي عمل يا سهير !
ام نيفين .. الناس المؤذية كتير ياختي .. ربنا يكفينا شرهم
رضوي .. طب وهيعملولي عمل ليه يعني ! انا طول عمري في حالي ومأذتش حد ابدا !!
ام نيفين .. بصراحة انا شاكة في البت نجلاء 
رضوي .. نجلاء مين !.
ام نيفين .. نجلاء مرات محمد شاكر اللي في البيت اللي قصادك .. مش جوزها كان بيلوف عليكي وعايز يتجوزك !
رضوي .. ايوه بس ده موضوع قديم اوي وراح لحالة !!
ام نيفين .. راح لحالة ازاي وانتي بتقولي انه لسة مقابلك من يومين وفاتح معاكي الموضوع تاني ! 
رضوي .. ما يفتح براحته .. هو شايفني معبراه اساسا .. يروح بس يربي كوم العيال اللي في رقبته بدال ما عايز يتجوز تاني بسلامته !.
ام نيفين .. ايوه بس متنسيش انها لما عرفت جاتلك وعملت معاكي خناقة لرب السما وبعدين ان اسمع انها ولية بتاعة اسحار وليعوذبالله !!
رضوي مندهشة بشدة .. معقول تكون عملالي عمل فعلا بنت اللذينا دي !
ام نيفين .. وليه لا .. كل شئ جايز 
رضوي .. طب وايه الحل !
ام نيفين .. مفيش غيرة الشيخ صلاح.. روحيلة ولو معمولك عمل فعلا هيفكهولك وهيقلك مين اللي عاقدهولك كمان .. ده ولي من اولياء الله وسرة باتع اوي !!
رضوي .. خلاص نرحله .. يمكن ربنا يجعل الشفا علي ايديه 
ام نيفين .. ان شاء الله ياختي الشفا هيكون علي ايدية .. اطمني يا رضوي
وبالفعل تذهب رضوي ونيفين عند الشيخ صلاح ليخبرها بشئ صاډم !!
وتذهب
رضوي وام نيفين الي الشيخ صلاح وبمجرد ان تدخل صومعته والتي كالمعتاد مع مثل هؤلاء الاشخاص نري رائحة البخور تفوح امامهم وتملأ ارجاء المكان 
الشيخ ينظر الي رضوي ثم يرتجف قائلا ..
صلاح .. اووووه ..يا حي يا قيوم برحمتك استغيث 
رضوي .. مين الراجل ده يا سهير !
ام نيفين .. دا الشيخ صلاح ادخلي مټخافيش 
صلاح .. تعالي يا رضوي .. قربي هنا عندي ومټخافيش 
رضوي مندهشة .. هو عرف اسمي منين ! 
هو انتي حكيتي له عني ولا ايه !
ام نيفين .. لا والله ياختي ابدا
رضوي تتقدم الي الداخل وتقترب من الشيخ صلاح في حذر وخوف شديد
صلاح .. تعالي يا شقيانه يا تعبانه !!
رضوي تنظر ل ام نيفين متعجبه من حديث الشيخ صلاح 
رضوي .. هي مين دي اللي شقيانه وتعبانه يا سيدنا الشيخ !
صلاح .. انتي طبعا يا رضوي يا بنت نفيسة
رضوي .. هو انت كمان تعرف اسم امي !
صلاح .. من اول ما هليتي عليا وانا عرفت عنك كل شئ !! كتابك مفتوح قدامي وكل حياتك فيه بالخط العريض .. بؤس وحزن وشقا علي هم وغم واسي .. من الحياه للممات .. يا رضوي يا ام البنات !! 
رضوي .. انا مش فاهمه حاجة يا عم الشيخ .. حضرتك تقصد ايه !
رضوي .. انتي جاياني تعبانه ومش عارفه سبب علتك ايه !
رضوي .. ايوا فعلا انا تعبانه جداا ومش عارفة ايه السبب !
صلاح .. بس انا عارف ايه سبب آلامك ومين ورا كل احزانك !!
صفحة محمد خلف صالح..تقرا القصة وتكون مع ابطالها
رضوي .. مين يا عم الشيخ !
صلاح .. نجلاء بنت آمنه 
رضوي .. تقصد نجلاء بنت محمود النجار مرات محمد شاكر البقال !
صلاح.. ايوه هي الملعونه دي !!
رضوي .. مالها دي ! 
هي اللي عاملالي العمل ! 
صلاح .. ومش اي عمل !! 
دي عملالك سحر اسود غطيس هتكون نهايتك علي ايده لا محالة !!
ام نيفين .. مش قلتلك !! 
اهو طلعت هي بنت المؤذية !!
رضوي .. طب فكلي العمل ده يا سيدنا الشيخ وانا تحت امرك في اللي تؤمر بيه 
صلاح .. انا عنيا ليكي يا بنتي من غير اي شئ .. بس يا خسارة مش هاقدر افيدك بشئ!!
رضوي .. يعني ايه مش فاهمه ! 
صلاح .. يعني السحر اتمكن منك خلاص وباقي في عمرك يدوب انفاس !!
رضوي .. تقصد اني ھموت خلاص !
صلاح .. الاعمار بيد الله .. ومحدش بېموت ناقص عمر .. بس زي ما قلتلك السحر عليكي شديد ومدفون في مكان بعيد بينا بينه بلاد !! 
رضوي .. يعني مفيش حل !
صلاح .. ربك في ايده الحل وقادر علي كل شئ .. بس اهم شئ.. البنات .. هيروحوا فين بعدك ويجوا منين .. والحياه بقت مليانه وحوش وتعابين !! .. اوووووه
رضوي .. ارجوك يا عم الشيخ متجبش سيرة التعابين !! بقيت اخاڤ منها صدقني 
صلاح .. عشان بتطلعلك مش كده!
رضوي .. ايوه ودي كمان عرفتها !! دي اشباح يا عم الشيخ مش كده !
صلاح .. دا الويل اللي مستني بناتك بعد مماتك !!
صفحة محمد خلف صالح..اول اسم في بحث فيسبوك
رضوي .. بناتي !! 
لا الا بناتي يا عم الشيخ .. اعمل اي