القصه كامله قبل فرحي
القصه كامله قبل فرحي
فيه حمل
الدكتوره اتكلمت بصي فيه حالتين بيظهر فيهم الحمل
لو فعلا الست حامل
او هرمون ال HCG اللي هوا هرمون الحمل اتفرز بكميه كبيره فالجسم
طيب وفيها ايه عادي
احمم ماهو الهرمون دا مش طبيعي انه يتفرز بالكميات دي غير لو حصل Uterine cancer.
ايه سړطان
بابا رجع اخدني ف حضنه وانا كنت عاجزه عن الكلام والتعبير
ولا ازعل اني داخله حرب عارفه ان اخرتها مۏت
رغم استسلامي لقضاء الله لكن عيني ما بطلتش بكى وحزن
الوقت كان بيجري بسرعه عدى اسابيع كان مليان بترتيبات الورق والعلاج عشان متعشمين اني ممكن ارجع سليمه تاني
اتحددتلي اول جلسة كيماوي فاليوم اللي المفروض كان هيبقى فرحي
بقيت لابسه لبس المستشفى وپتألم
لحظات صعبه صعبه جدا
لدرجة ان صعب الكلام يوصفها
ۏجع قلبي على اللي جرالي كان كوم
وۏجع جسمي من الكيماوي كان كوم تاني
الحمدلله على نعم ربنا والحمد لله على الابتلاء
بابا رفض انه يعرف حد اني مريضة کانسر عشان عارف اني بكرهه نظرة الاستعطاف او الشفقه من حد
ف يوم نازله اشتري حاجه من السوبر ماركت ولقيت اللي كان خطيبي هيثم جاي ناحيتي
اهلا اهلا بالعروسه
اقصد ام المولود
ناويه تسميه ايه
انا لحد دلوقتي مش قادر اسامحك
انتي ازاي قبلتي انك تغفليني وتزيفي مشاعرك ناحيتي
بس ما شاء الله عليكي طلعتي ممثله هايله
هنكدب دا انتي الكدب بيجري ف دمك
انا لما شوفتك جيت بس اعرفك اني خطبت وهتجوز واحده محترمه
ربنا يتمملك بخير
سيبته ومشيت ومش متخيله ليه الناس مازالت شيفاني وحشه ليه محدش افترضلي الخير ليه ما حدش جه حاول يعرف الحقيقه ليه بقا من السهل اننا ننهش فالاعراض واحنا قاعدين على المصطبه!
مكنتش حاسه بيهم ومش فكراهم بس هما قالوا اني بقالي تلات شهور محجوزه فالعنايه المركزه
يمكن دي كانت تجربه بسيطه ليا للمۏت
انا ارتحت فالتلات شهور دول اكتر ما انا مرتاحه وانا عايشه
دعيت من كل قلبي ان ربنا يكتبلي الوفاه لو خير ليا لاني تعبت
وجايه النهارده بعد اربع سنين علاج ومحاربه اقولكم اني انا انتصرت على السړطان
ومش هنسى حد ظلمني وافترى عليا ف يوم
وعند الله تجتمع الخصوم
اتعود ما تحكمش على القصه من الظواهر.
ک ونس رقية
للحديث بقيه
المره اللي جايه هنعرف هتعمل ايه مع كلام الناس وخطيبها
لو تفاعلكم حلو زي البارت الاول هنزل ليكم واحد تاني
