زمان قبل ما ادخل الجامعه

زمان قبل ما أدخل الجامعة كان ليا واحدة جارتي أكبر مني بسنة أو سنة و شوية الىٖنت دي ملفتة للنظر بشكل عارف لما تشوف واحدة و تقول معقول فيه جمال كده 
أنا وهي مكناش صحاب خالص ولا عمرنا إتكلمنا كنت بشوفها من بعيد لبعيد كانت مغرورة شوية و شايفة نفسها..
في يوم من الأيام نازلين مع بعض في الأسانسير كلمتني لأول مرة كنت ساعتها نزلي أول كليب ليا لقيتها بتقولي مبروك و الكليب بتاعك حلو أوي و الكلام ده بعد ما كلمتني بدأت أحس إني اتسرعت في الحكم عليها و إن قد إيه هي طيبة من ساعتها بقينا أصحاب بس مش قريبين من بعض أوي..

بعدها سمعت من والدتي إن جارتي دي إشتغلت في شركة كبيرة بس كل ما يجيلها عرسان بترفضهم قلت أكيد من كتر ما هي عارفة إنها حلوة هي مش بيهمها و عارفة إنها هتتجوز هتتجوز يعني و بعدين سمعت فعلا إنها إتخطبت بس مكانتش قالتلي
و في يوم لقيتها جاية لي البيت مامتي فتحت لها و لقتها مڼهارة سألت عليا و دخلتلي أوضتي باركت لها على الخطوبة قلت لها مبروك سمعت إنك اتخطبتي هي اڼهارت أكتر و حسيتها عايزة تحكيلي حاجة تخص خطيبها 
و إحنا مش قريبين من بعض أوي لدرجة إني أتطفل و أسألها إيه اللي حصل المهم قلت لها مالك  
قالت لي إن هي بيوصلها جوابات كتير أوي و كانت فاكرة إن خطيبها هو اللي بيبعتهم فلما راحت تشكره على الجوابات مطلعش هو اللي بيبعتهم و إتهمها إنها تعرف حد عليه !!
كانت جايبة الجوابات معاها توريهملي كانوا ٣ جوابات  
ابتدت تقرالي المكتوب جواهم كل ما تقرا ټنهار أكتر خدت الجواب من إيدها ملقيتش حاجة في الجواب !!!
مفيش كلام مكتوب !!! 
قلت لها إنتي بتهزري بتقري إيه مفيش كلام مكتوب !! 
قالت لي بصي كويس 
بيني و بينك أنا قلت اكيد عندها