غدر الصحاب
المحتويات
قصه حقيقه
غدر الصحاب
وقبل ما نبدأ حكايتنا اعرفكم على بطلتنا اسمها سلمي عندها 22 سنه طالبة جامعية الكليه بتاعتها في محافظة وبيتها وأهلها في محافظه تانية سلمي قاعده مع زميلتها في سكن الجامعة
رحمة
اشوف وشك بخير يا سلمى هتوحشيني اووي والله
سلمي
انتي اكتر يا رحمة متعرفيش بعدك ده هيعمل فيا ايه
رحمة
هنعمل انتي عارفه اخر سنه ليا هنا وخلاص هاخد الليسانس عقبالك يارب
يارب يارحمة بجد نفسي اخلص انا كمان وبعدين فكرة اني اقعد مع بنات غيرك دي مضيقاني اوي
رحمة
معلش ياسلمي بكرة تتعودي عليهم وبعدين انا عرفت انهم بنات لطيفة اوي وانا وصيتهم عليكي متقلقيش
سلمي
والله يارحمة انا لو اقدر على اني ادفع سكن الاوضه دي لوحدي كنت فضلت فيها بس انتي عارفه بقا ده بابا يادوب بيبعتلي مصاريفي واجرة نص الاوضه دي بالعافية فلازم اسكن مع حد عشان ادفع النص
والله كلنا كده يا سلمى وخلاص هانت اهو فاضلك السنة اللي جاية ان شاء الله وتخلصي زي يلا انا همشي بقا اشوف وشك بخير متنسيش وانتي بتنقلي في الاوضة اللي في الدور اللي تحت تسلمي مفتاح الاوضه لمس تهاني لحسن انتي عارفاها دي بومة ومش هتسكت غير لما تاخد المفتاح
سلمي
ههههه حاضر مش هنسا والله بحسدك يارحمة وبقول يابختك انك هترتاحي من البومة دي
ههههه يلا عقبالك سلام ياقلبي وسلمت على سلمي ومشيت
سلمي لمت حاجات ونزلت الدور اللي فيه الاوضه اللي هتسكن فيها والبنات قابلوها
ساندي بتتكلم بتناكة وقالت
انتي بقا البنت اللي جايه تسكني معانا في الاوضة هنا
سلمي.
ايوه انا اسمي سلمي وانتي
ساندي
انا ساندي وده سريري وده دولابي وحاجاتي ممنوع اي واحدة هنا تستعملها مفهوم
ازيك يا سلمى انا نور ومعاكي هنا في نفس الاوضه ومعانا جنا كمان بس هي لسه مرجعتش احنا بقا اعتبرينا زي اخواتك
ساندي
اتكلمي عن نفسك يانور انتي عارفاني مش بحب اتعامل مع الوجوه الجديده
نور
ساندي احنا بنرحب بسلمي زميلتنا الجديده يعنى لازم نكون زوق شويه عشان متاخدش فكرة وحشه عننا خاصتا اننا هنعيش مع بعض في مكان واحد
قصدك ايه يانور قصدك يعنى اني انا قليلة الذوق انتي بتستهبلي يانور
سلمي
خلااااص ياجماعه اهدو كده نور متقصدش حاجة ياساندي هي بس بتهزر معاكي
ساندي
انا مبحبش حد يهزر معايا ياختي خليكي في حالك بقا انتي وهي انا نازله عشان عندي محاضرات
وسابتهم ونزلت وسلمي قالت
ياساتر هي عاملة كده ليه
نور
متاخدش في بالك أصلها مناخيرها في السما ومحدش عجبها المهم انا بقا فرحانة انك هتعقدي معانا
والله انتي شكلك طيبة اوي يانور وانا حبيتك بس ياتري بقا جنا اللي معاكم هنا زيك كده ولا زي ساندي دي
نور
لا جنا پتخاف من ساندي وتلاقيها ماشيه وراها كده زي البودي جارد بتاعها ههههه بس متقلقيش انا بعرف اتصرف معاهم كويس
سلمي
طيب ولما هما كده انتي ايه اللي
مقعدك معاهم في نفس الاوضه
نور
اعمل ايه كله من الشاويش تهاني هي اللي جبتني معاهم هنا منها لله
سلمي
ههههه انتي بتقولي عليها الشاويش تصدقي لايق عليها فعلا
نور
ههههه ايوه دي مرعبه وتخوف بلد بحالها على العموم انا معاكي ومټخافيش من حد
سلمي
لا الحمد لله مش بخاف انا هسيب حاجتي وانزل عشان عندي محاضره مهمة ولازم احضرها يلا باي
ونزلت سلمي على محاضراتها واليوم خلص واخر اليوم البنات اتجمعوا في الاوضة
جنا
انتي بقا سلمي الوجه الجديد معانا هنا في الاوضة
سلمي
ايوه انا اكيد انتي جنا
جنا
اه انا جنا واتمنى ياسلمي تكون أيامنا مع بعض هنا كويسه وتعدي في هدؤ
سلمي
اكيد طبعا ان شاء الله ياجنا
نور
بقولكم ايه انا جعانة مين هتنزل تجيب
متابعة القراءة
