شاي سخن في الحمام

صبصب شاي ساخن في الحمام وشوفوا اية اللي حصل فية الحلقة الأولى للكبار فقط 
. دايما بنسمع تحذيرات كتير يقول لك إيه اوعى تضلق ميه سخنة في الحمام احظر من إنك تضلق أي حاجة سخنة أو مغلية جوه الحمام والسبب من كده معروف إنك ممكن تتلبس بالجن أو بالشياطين. فيه مشايخ كتير بيقولوا إن الموضوع ده خرافة ومش حقيقي لكن فيه ناس تانية بيقولوا إن الموضوع ده حقيقي وفعلا فيه ناس اټأذت كتير بسبب الحكاية دي والدليل على كده إنك لازم قبل ما تدخل الحمام لازم تقول الدعاء اللهم إني أعوذ بك من الخبس والخبائس وده دليل على إن الحمامات مسكونة بالجن والشياطين فلازم دايما تستعيذ بالله قبل دخول الحمام لكن الناس إللي بتكذب موضوع إنك لو دلقت ميه سخنة في الحمام إنك ممكن ټتأذي بيقولوا على كده بقى لو كل واحد دخل الحمام واستحم بميه سخنة ممكن يتلبس بالجن لكن معلش أنت بتستحمى بميه مثلا سخنة أو بتستحمى بميه دافية لكن ما بتستحماش بميه مغلية يعني أقصى درجة حرارة إن أنت ممكن تستحم بيها هي 40 درجة أو 45 درجة لكن استحالة إن أنت تستحيل بمياة درجة حرارتها 90 أو درجة حرارتها مئة ونفس الكلام لو أنت دلقت مية سخنة في الحمام أيا كان الجنة أو الشياطين إللي موجودين في الحمام المية السخنة بتأذيهم زي البني آدمين. أنا الصراحة ما أعرفش هل الموضوع ده حقيقي ولا مش حقيقي. ناس بتقول إنه حقيقي وناس بتقول إنه مش حقيقي وفيه اختلاف كتير حصل عليه لكن النهارده أنا هحكي لكوا على قصة شخص اتأذى بسبب إنه رمى شاي مغلي جوه الحمام طبعا هي مش هتفرق شاي مغلي من ميه مغلية من زيت مغلي من شوربة مثلا سخنة يعني هي الفكرة.

أي سائل درجة حرارته واصلة لدرجة الغليان وأنت بترميه في الحمام. ممكن يعرضك للأذى من الجن أو الشياطين فأنا هحكي لكم عن القصة إللي بعتها لي الشخص ده. الله أعلم القصة دي حقيقة ولا مش حقيقية هل الشخص ده بېكذب ولا لأ هو بيقول إنه تعرض للأذى بسبب الموضوع ده فأنا هأحكي لكم قصته وأنتوا إللي تحكموا عليها وتقولوا رأيكم في الكومنتات بيقول صاحب القصة أنا مش عارف أبتدي قصتي إزاي لكن إللي أقدر أقوله إن حياتي كانت ماشية طبيعي جدا زي أي ولد في الدنيا بيقول إن ترتيبه في إخواته التالت يعني فيه أخ وأخت أكبر منه وفيه أخ أصغر منه يعني تقريبا هو الأخ الأوسط ما بينهم المهم كانت حياتهم ماشية طبيعية جدا زي أي أسرة لحد ما جه اليوم. اللي اتخرج فيه أخوه الكبير من الجامعة وزي أغلب الأسر اللي بيبقى عندهم ابن بيتخرج من الجامعة بيعملوا حفلة عائلية أو عزومة كبيرة عشان يحتفلوا بابنهم إللي خد الشهادة وبيقول صاحب القصة عملنا حفلة كبيرة لأخويا في البيت وأبويا عزم عمامي وخلاني وولادهم وبناتهم وكنا في اليوم ده عاملين وليمة كبيرة وأنتوا عارفين بقى زي أي بيت شرقي لازم العزومة يكون فيها البط والحمام والرقاق والتقلية الصعيدي والسمنة البلدي والحاجات الحلوة الجميلة دي إللي تجيبي انسداد في الشرايين والكوليسترول وجلطة في القلب المهم الحفلة كانت جميلة جدا والكل كان مبسوط فيها. والبيت عندنا بقى زحمة جامد بالناس. طبعا أنتوا عارفين لما بتتعمل حفلات في البيوت البيت بيضيق البيت بيتزحم بالناس وبيبقى